Б.Батзориг гишүүний бүрэн эрхийг түдгэлзүүлэх эсэх асуудлыг хэлэлцэж байна

М.Саран

2018-11-07 11:07:00

alternative title

УИХ-ын чуулганы хуралдаан эхэллээ. Чуулганаар Б.Батзориг гишүүний бүрэн эрхийг түдгэлзүүлэх тухай Ерөнхий прокурорын саналыг хэлэлцэнэ. Уг саналыг өчигдөр орой Халдашгүй байдлын дэд хороо, Хууль зүй, Төрийн байгуулалтын байнгын хороодоор хэлэлцэж хүлээж авахаас татгалзсан юм.  

Улсын ерөнхий прокурор М.Энх-Амгалан чуулганы нэгдсэн хуралдаанд Б.Батзоригийн бүрэн эрхийг түдгэлзүүлэх саналаа танилцуулсан юм. 

Тэрбээр “Засгийн газрын гишүүн, Хүнс, хөдөө, аж ахуйн сайдаар ажиллахдаа Жижиг, дунд үйлдвэрийг хөгжүүлэх сангаас зээлийн санхүүжилт олгох шийдвэр гаргахдаа албаны бүрэн эрх, албан тушаалын байдлаа урвуулан ашиглаж бусдад давуу байдал бий болгосон” гэх эрүүгийн хэрэгт Авлигатай тэмцэх газар мөрдөн шалгах ажиллагаа явуулж, Нийслэлийн прокурорын газраас хяналт тавин ажиллаж байна. Мөрдөн шалгах ажиллагааны явцад цугларсан нотлох баримтуудаар Улсын Их Хурлын гишүүн Б.Батзориг нь Монгол Улсын Эрүүгийн хуулийн тусгай ангийн 22.1 дүгээр зүйлийн 3 дахь хэсэгт заасан улс төрд нөлөө бүхий этгээд болох Засгийн газрын гишүүний эрх мэдэл, албан тушаалаа урвуулан ашиглах гэмт хэргийг үйлдсэн гэж үзэх нөхцөл байдал тогтоогдсон тул мөрдөгчийн эрүүгийн хэрэг үүсгэж яллагдагчаар татах саналыг прокурор хянаад үндэслэлтэй гэж үзэж 2018 оны 11 дүгээр сарын 5-ны өдөр эрүүгийн хэрэг үүсгэж яллагдагчаар татах тогтоол үйлдсэн" гэлээ. Хэлэлцэх асуудалтай холбоотой гишүүд саналаа хэлж байна.  

  • Хуваалцах:

Сэтгэгдэл

Тайлбар

Тайлбар

  2018-11-19