МЭДЭЭ НЭМЭХ  

Сексийн анагаах увидсын талаарх “нэн сонирхолтой” баримтууд

  • 1,918 уншсан
  • 0
  • 2014/11/12

Хүний амьдралын салшгүй нэг хэсэг болсон бэлгийн харилцаа нь бие сэтгэлийн таашаал мэдрүүлээд зогсохгүй эрүүл мэндэд ч чухал ач холбогдолтой билээ. Энэ удаагийн нийтлэлээр онцолж буй зарим баримт таны гайхшралыг төрүүлж ч мэдэх юм.

Учир нь секс хөгшрөлтийг удаашруулж, үр тогтоох чадварыг сайжруулахаас эхлээд санаанд оромгүй олон анагаах увидастай аж. Ингээд тогтмол бэлгийн харилцаанд орсноор чухам ямар ямар өвчин зовиурыг эдгээж болохыг дэлгэрэнгүй уншина уу.

Толгойны өвчин

Сексийн анагаах увидсын талаарх “нэн сонирхолтой” баримтууд

БХ-ны үеэр мэдрэгддэг таашаал нь тархинаас ялгардаг эндорфин хэмээх “аз жаргалын” гормонтой холбоотой ажээ. Уг гормон нь зарим өвчин зовиурыг ч намдаах чадалтай. Тиймээс толгой тархины өвчтэй хүмүүст секс эерэг нөлөө үзүүлэх боломжтой юм. Яг энэ таамаглал баталгаатай эсэхийг шалгахаар “International Headache Society”-гаас нэгэн сонирхолтой судалгаа явуулсан байна. Оролцсон хүмүүс тогтмол бэлгийн харилцаанд орсноор тал хувийнх нь толгойны өвчин намдсан бол 20 хувь нь бүр цоо эрүүл болсон байна.

Зургийн эх сурвалж: playskull.mn

Зүрхний өвчин

Сексийн анагаах увидсын талаарх “нэн сонирхолтой” баримтууд

Эрүүл зүрхний нууц нь дасгал хөдөлгөөн болон зөв хооллолт билээ. Секс нь бие махбодын идэвхтэй үйл ажиллагааг тэтгэгч нэг төрлийн дасгал учраас зүрхний өвчнөөс урьдчилан сэргийлэхэд тустай. Их Британий эрдэмтдийн 1000 эрэгтэйг хамруулсан судалгаагаар долоо хоногт ядаж 2 удаа бэлгийн харилцаанд ордог эрчүүд сард нэг удаа ордогтой харьцуулахад зүрхний өвчинд өртөх магадлал нь 45 хувиар бага гэсэн дүн гарчээ.

Зургийн эх сурвалж: playskull.mn

Үргүйдэл

Сексийн анагаах увидсын талаарх “нэн сонирхолтой” баримтууд

Бэлгийн харилцаа идэвхигүй болохын хэрээр үр тогтох магадлал буурдаг ажээ. Тогтмол секс нь эмэгтэй хүний үржлийн эрхтний хэвийн үйл ажиллагааг тэтгэж эстроген ба тестостерон гормоныг тэнцвэрийг хадгалж өгдөг. Мөн эрчүүдийн хувьд эрүүл сперм ялгаруулахад нь тусалдаг байна.

Зургийн эх сурвалж: playskull.mn

Нойргүйдэл

Сексийн анагаах увидсын талаарх “нэн сонирхолтой” баримтууд

Унтаж чадахгүй, нойр хулжих үед танд тусалж чадах үр дүнтэй арга нь секс байж болох юм. Учир нь энэ ажлын үеэр хүнийг тайван унтахад тусалдаг окситоцин хэмээх гормон ялгардаг. Тийм учраас сексийн дараа нойр хүрдэг бөгөөд эмэгтэйчүүдэд тус гормон илүү их ялгардаг ажээ.

Зургийн эх сурвалж: playskull.mn

Цусны даралт

Сексийн анагаах увидсын талаарх “нэн сонирхолтой” баримтууд

Бэлгийн ажлын үед зүрхний цохилт түргэсдэг хэдий ч хэрэгцээт гормонууд ялгарч бие махбодыг тайвшруулснаар цусны даралт тогтворждог. Энэ үйл явц эрэгтэй эмэгтэй хүнд яг ижилхэн явагддаг байна. Доктор Стюарт Броди дээрх үйл явцын талаар туршилт судалгаа хийж албан ёсоор баталгаажуулсан аж.

Зургийн эх сурвалж: playskull.mn

Ханиад

Сексийн анагаах увидсын талаарх “нэн сонирхолтой” баримтууд

Сексийн дараагийн нэг ач холбогдол нь бие махбодын дархлааны системийг сайжруулж, нян бактерыг эсэргүүцэх чадварыг дээшлүүлдэгт оршино. Үүний шалтгаан нь бэлгийн ажлын үед дархлааны эс олширдогтой холбоотой. Ханиад нь нэг төрлийн вирусаар үүсгэгддэг өвчин тул үүнтэй тэмцэх гол зэвсэг бол дархлааны эсүүд юм. Нэмж хэлэхэд долоо хоногт 1-2 удаа бэлгийн харилцаанд тогтмол ордог хүмүүсийн дархлааны систем харьцангуй сайн байдгийг Пенсильваны Уилкс их сургуулийн эрдэмтэд тогтоосон байна.

Зургийн эх сурвалж: playskull.mn

Зогисуулах

Сексийн анагаах увидсын талаарх “нэн сонирхолтой” баримтууд

Хүмүүс зогисуулсан үедээ ихэвчлэн амьсгаагаа түгжих, ус уух, биеэ цочроох гэх мэтийн аргаар зогсоохыг оролддог. Гэхдээ эдгээрээс гадна бас нэгэн шилмэл арга буюу дур тавилт нь зогисуулахыг болиулдаг болохыг Нобелийн шагналт физикч Францис нотолсон байна. Түүний тайлбарласнаар зогисуулах нь мэдрэлийн системийн үйл ажиллагаатай холбоотой бөгөөд сексийн үеийн дээд зэргийн таашаал нь тархи, мэдрэлийг тайвшруулдаг аж.

Зургийн эх сурвалж: playskull.mn

Хөгшрөлт

Сексийн анагаах увидсын талаарх “нэн сонирхолтой” баримтууд

Хүмүүсийн насжилтын үйл явц, харагдах байдал харилцан адилгүй байдгийн шалтгаан нь бэлгийн амьдралтай холбоотой гэнэ. Тухайлбал Их Британи улсын “Royal Edinburgh” эмнэлгийн доктор Дэвид олон жил анагаахын салбарт ажилласан туршлагаараа нас ахисан ч бэлгийн харилцааны хувьд идэвхитэй амьдардаг хүмүүс бусдаасаа бүр 7-8 насаар ч залуу харагдах тохиолдол байдгийг онцолсон байна.

Зургийн эх сурвалж: playskull.mn

Түрүү булчирхайн хорт хавдар

Сексийн анагаах увидсын талаарх “нэн сонирхолтой” баримтууд

Канадын Монреаль их сургуулийн эрдэмтдийн 3200 гаруй эрэгтэйг 4 жилийн туршид судалсан ажлын үр дүнд бэлгийн идэвхитэй харилцаатай нь түрүү булчирхайн хорт хавдраар өвчлөх магадлал багатай байжээ. Тодруулбал бэлгийн олон хавьтагчтай нь цөөн хавьтагчтай эрчүүдээс түрүү булчирхайн өвчин тусах магадлал 28 хувиар бага байсан гэнэ.

Зургийн эх сурвалж: playskull.mn

Стресс

Сексийн анагаах увидсын талаарх “нэн сонирхолтой” баримтууд

Дээр дурдсанчлан сексийн үед таашаалын гормон их ялгардаг учир хүн илүү баяр баясалтай болдог. Түүнчлэн цусны эргэлт сайжирснаар сэтгэн бодох чадвар, амьдралын идэвхи ч нэмэгддэг байна. Шотландын Пайсли хотын их сургуулиас залуусын дунд хэдэн сарын турш хийсэн судалгааны хариуд тэд бэлгийн харилцаанд тотмол орсноор бухимдал стресс нь багасч, илүү тайван хүлээцтэй болж буй нь ажиглагджээ.

Зургийн эх сурвалж: playskull.mn
Эх сурвалж: http://playskull.mn/content.php?id=2115
Нийтлэл таалагдсан бол багахан хугацааг дараах линкээр орж сурталчилгаан дээр дарахад зориулаарай.
viva.mn- ийг дэмжих
Мэдээ таалагдаж байвал манай Facebook хуудсанд LIKE дараарай.
Сексийн анагаах увидсын талаарх “нэн сонирхолтой” баримтууд
Энэхүү нийтлэл нь зөвхөн нийтлэгчийн үзэл бодол, өмч болно. Контентийг зөвшөөрөлгүй хуулбарлахыг хориглоно.

0 Сэтгэгдэл



Сэтгэгдэл


Холбоотой нийтлэлүүд


Санал болгох