“Жокер” АНУ-ын шилдэг кинонуудын жагсаалтыг дахин тэргүүлжээ

“Warner Bros” компани өнгөрсөн ням гаригт “Joker” уран сайхны кино энэ амралтын өдрүүдэд Хойд Америкийн театруудаас 55 сая ам.долларын ашиг олж, нээлтээ хийснээс хойш дотоодын нийт орлого нь 192.7 сая ам.долларт хүрээд байгаа талаар мэдээлжээ. “DC” комикийн дүрүүдээс сэдэвлэн бүтээсэн “Joker” кино нээлтээ хийснээс хойш 12 хоногийн дараа дэлхий дахинаас 543.9 сая ам.долларын ашиг орлого олсон талаар “Comscore” судалгааны байгууллага мэдээлсэн байна.

Найруулагч Тодд Филлипс найруулж, Хоакин Финикс гол дүрд нь тоглосон “Joker” уран сайхны кино Хойд Америкийн шилдэг кинонуудын жагсаалтыг хоёр дахь долоо хоногтоо ийнхүү дахин тэргүүлжээ.

Жагсаалтын хоёрдугаарт, “The Addams Family” инээдмийн анимейшн 30.29 сая ам.долларын ашиг орлогоороо жагссан бол гуравдугаар байрт “Оскар” наадмын гурван удаагийн шагналт найруулагч Эн Лигийн уран бүтээл “Gemini Man” кино 20.5 сая ам.долларын орлогоороо бичигдсэн байна.