Өвдөг яагаад гардаг вэ?

Өвдөг нь сормуусны уутанцар, эсвэл сормуусны уутанцарын ойролцоо байрладаг цейсын тосны булчирхайн хурц идээт үрэвсэл юм. Харин зовхины ард байдаг мейбомын булчирхайн хэсгийн үрэвслийн үед аньсаганы булчирхай буюу дотуур өвдөг үүснэ. 

Шалтгаан

Алтлаг стафилококк нэртэй бактери  нянгийн үйлчиллээр, дархлаа суларсан үед үүсдэг. Өөрөөр хэлбэл бохир орсноос үүсдэг гэсэн үг. Мөн эмэгтэйчүүд энэ өвчнөөр эрэгтэйчүүдээс илүү олон өвддөг. Эмэгтэйчүүд зовхи, сормуусаа өдөр болгон будаж байдаг. Бусдын сормуус, хөмсөг, зовхины будаг, бусдын түрхэгч зэргийг ашиглан будахдаа бохир оруулдаг. Хүүхэд ч мөн адил ариун цэврийг сайн сахилгүй бохир гараараа нүдээ нухах зэргээр нянгийн халдвар оруулснаар өвдөг тусах нь олон.

Шинж тэмдэг

Эхлээд зовхи загатнан аргаж эхлээд, удалгүй хавагнан овойно. Үүнээс 2-3 хоногийн дараа овойсны дээр нь шаравтар өнгөтэй толгой гардаг. Толгойг ховхолбол идээ гарна.

Идээт толгойг хэрхэвч шахаж болохгүй. Хамаагүй шахсны улмаас бохир нь нүд рүү орж менингит гэх мэт онц аюлутай өвчин үүсэхэд хүргэж болзошгүй.

Эмчилгээ

Эмийн эмчилгээ /зөвхөн эмчийн заасны дагуу антибиотикийг хэрэглэх/

Урьдчилан сэргийлэлт

Хувийн ариун цэврийг сахих нь өвдөг гарахаас сэргийлэх хамгийн сайн арга.

Бохир гараараа нүдээ нухахгүй байх.