МЭДЭЭ НЭМЭХ  

Эрэгтэйчүүдийн Эмнэлэг

  • 11,565 уншсан
  • 5
  • 2014/06/19

Хүмүүс нас барахын өмнө нь юунд хамгийн их харамсдаг талаар нэгэн сувилагчийн ярьсан түүхээс...

“Би олон жил энэ эмнэлэгт ажилласан. Эцсийн мөчөө хүлээж буй өвчтөнүүд л миний хариуцсан тасагт ирдэг. Тэдний амьдралын хамгийн сүүлийн мөчийн гэрч болохдоо бид олон ч сонирхолтой түүх сонссон доо. Тэд бүгдээрээ л хайр, үзэн ядалт, айдас, догдлол, уур хилэн гэх мэтийг мэдэрсэн байсан. Гэхдээ эцсийн мөч тулахад өвчтөнүүд бүгдийг мартаж, уучилдаг. Би өвчтөн бүртэйгээ ярилцахдаа нэг зүйлийг заавал асуудаг байлаа. “Та энэ амьдралдаа юунд хамгийн ихээр харамсаж байна вэ?”. Тэд өвчин зовлон, царай зүс, ааш зангаараа тэс өөр ч дээрх асуултын хариулт “ИЖИЛ” байсан юм.

1. Хэн нэгний хүсэлт, хүлээлтээр биш өөрийн хүссэнээр амьдарсан ч болоосой
Хүн бүрийн хамгийн түрүүнд хэлдэг хариулт нь энэ байлаа. Амьдрал нь дуусах тэр мөчид эргээд харахад “Тэр үед ганц удаа ч болов өөрийнхөөрөө шийдэх минь яав даа” гэсэн бодол өөрийн эрхгүй орж ирдэг. Учир нь бусдын хэлсэн анхааруулга сануулгаас шалтгаалан мөрөөдлөө биелүүлэх олон боломжийг алддаг аж. Эцэг эх, эхнэр нөхөр, үр хүүхдийнхээ хүлээлтэд эзэн болохын тулд өөрийнхөө хүслээр байж чадаагүй нь хамгийн харамсмаар зүйл байжээ.

2. Юуны төлөө ингэтэл их ажиллав?
Энэ бол эрэгтэй өвчтнүүдийн хамгийн том харамсал. Тэд гэр бүлийнхээ ирээдүйн төлөө зүтгэсээр үр хүүхдүүдийнхээ өсөж буйг ч анзаараагүй өнгөрсөн. Мөн хайртай гэргийгээ ганц бие ээж шиг амьдруулсан байдаг ба эцэст нь багагүй амжилтанд хүрчихээд хүүхдүүдээ эргэн харах цагт тэд хэдийн холдон одсон байдаг аж. Хэтрүүлж ажилласандаа харамсаж, үхэх цагт өөр дээр нь хэзээ ч ирэхгүй гэж мэдэгдсэн үр хүүхдээ хүлээх өвчтөнүүд... Гэвч тэд энэ бүгдийг ирэхгүй гэдгээ мэдэгдсэн тэр хүмүүсийн төлөө л хийсэн шүү дээ.

3. Өөрийн бодол, мэдрэмжээ ил хэлэх зориг байсансан бол ч...
Олон хүмүүс бусадтай “энх тайван” харилцаатай байхын тулд шүдээ зуугаад өнгөрдөг. Түүнээсээ болоод бусдад бүү хэл өөртөө ч үнэнч байж чаддаггүй. Энэ байдал даамжирсаар “Би юу хүсч байна вэ?” биш “Би юу хийвэл ямар нэгэн асуудал үүсэхгүй байх вэ?”, “Юу гэж хэлвэл намайг ухаалаг юм аа гэж бодох бол?” гэсэн нөхцөл байдалд тааруулдаг болчихсон байдаг. Харин хөгшрөх тусам өөрийгөө бүрэн илэрхийлж, уурлаж бухимдах үедээ уурлаж, гомдох үедээ гомдож байх минь яав даа хэмээн харамсдаг байна. Сэтгэл хөдлөлөө чөлөөтэй илэрхийлснээр тухайн үед хэд хэдэн хүнийг бухимдуулж болно. Гэхдээ өөрийн зангаа нуугаагүй учраас тэр хүмүүст хэзээд үнэн төрхөөрөө байдаг гэдгээрээ үнэлэгддэг. Хүмүүс ч чамтай яаж харилцахаа мэддэг болно. Хамгийн гол нь чиний амьдралд худал харилцаа гэж үгүй болох юм.

4. Найзуудаасаа харьцаагаа таслах хэрэггүй байсан юм
Эмэгтэйчүүдийн хамгийн их сонгосон хариулт энэ байлаа. Үр хүүхэд, гэр бүл, ажил гэсээр найз нөхдөө орхиж, уулзахаа больж, нэг л мэдэхэд харилцаа нь холдсон байдаг. Харин хамаг бүхнээ зориулсан үр хүүхэд нь том болж, тусдаа гарахын цагт ганцаардлыг хамгийн ихээр мэдэрч, биеэ чагнасаар байгаад өвдөх үе бишгүй. Эцсийн мөчөө хүлээж буй хүмүүс нэгэн цагт үргэлж хамтдаа байсан найзтайгаа уулзах хүсэлтийг ихээр тавьдаг ч уулзаж амжихгүй өнгөрдөг байлаа.

5. Би өөрийгөө аз жаргалтай амьдрахыг зөвшөөрсөн ч болоосой
Ийм хариулт авна гэж би огт бодоогүй байлаа. Тэд өнгөрсөндөө зууралдаж, өнгөрсөндөө хүлэгдэж, өнгөрсөндөө харамссанаас болоод одоогийнхоороо амьдрах боломжоо алддаг байж. Хэн нэгнийг аз жаргалтай байлгахын тулд гэхээсээ илүү өөрийгөө аз жаргалтай байлгахын тулд юу ч хийхгүй байсаар, энэ насыг барах үедээ харамсах нь хичнээн харамсалтай вэ?

Хүн хэзээ өөрийнх нь эцсийн мөч ирэхийг мэдэж байх үедээ бусдын бодол, санааг жинхнээсээ хамаарахаа больдог. Үнэндээ маргааш ч биднийг үхэл хүлээж байгаа ч юм билүү, хэн ч мэдэхгүй шүү дээ. Муу амлах гээгүй юм шүү. Гэхдээ л хэзээ юу болохыг хэн ч мэдэхгүй байхад аль хэдийнэ болоод дуусчихсан өнгөрсөнд, хэзээ ирэх нь мэдэгдэхгүй ирээдүйн хайр дурлалд, амьдралд чинь тэгтлээ нөлөөлж чадахгүй, хамгийн амархан өөрчлөгддөг зүйлсийн нэг болох бусдын бодолд бүх сэтгэл, эрч хүч, энергээ зарцуулах нь яг юуны төлөө юм бэ? Харин түүний оронд маргааш ч бүх зүйл дуусчихаж мэдэх юм шиг зоригтой шийдвэр гаргаж, өөртөө үнэнч байж, энэ ертөнцийг орхихдоо сэтгэл хангалуун, харамсах зүйлгүй байсан нь хамаагүй жаргалтай биш гэж үү? Хэрвээ чи ч гэсэн өнгөрсөндөө харамсахыг хүсэхгүй байгаа бол одоогоороо л амьдар. Харамсал гэдэг зүйлийг амьдралдаа байлгахгүйн тулд зүгээр л хий, яг одоо яамаар байна түүнийгээ л хий. Ихэвчлэн өнгөрсөнд болсон тэр зүйлдээ харамсаад л байдгаас биш чамд юу авчирсныг нь бодож ч үзээгүй байдаг. Тэр үйл явдал болсон учраас л чи илүү хүчтэй, илүү ухаалаг, илүү туршлагатай “өнөөдрийн чи” бий болсон шүү дээ. Тийм болохоор чамд тусласан, “харамсмаар” өнгөрсөнд ч талархаад байх ёстой газарт нь үлдээ.

Эх сурвалж: https://www.facebook.com/eregteichuudiinEmneleg
Нийтлэл таалагдсан бол багахан хугацааг дараах линкээр орж сурталчилгаан дээр дарахад зориулаарай.
viva.mn- ийг дэмжих
Мэдээ таалагдаж байвал манай Facebook хуудсанд LIKE дараарай.
Эрэгтэйчүүдийн Эмнэлэг
Энэхүү нийтлэл нь зөвхөн нийтлэгчийн үзэл бодол, өмч болно. Контентийг зөвшөөрөлгүй хуулбарлахыг хориглоно.

5 Сэтгэгдэл


  • zochin 2014/07/26
    uhehed ugnii hereggui ee gej...

    0 0 Хариу бичих
    • Зочин 2015/05/10
      Унтахад ус хэрэггүй ээ гэж

  • shine 2014/07/26
    yu be?uheh gej bgaa uvchtnuus ingej asuuhaar chini evgui bishuu.yun asuultand hariulah manatai baih bailgui dee.etssiin ugee hel gej bgaan bizdee.emch nar tiim humuustei setgel sanaag dejsen uur l yum yarimaar yum.etssiin ugee heleh gj bgaa uvchtun ch bish ihenh humuus l ngej boddog.gehdee ter humuus ger ul urhuuhdeesee l hamgiin ih az jargaliig avdag.sonin suvilagch bna daa. hudlaa saagdchihlaa.

    0 1 Хариу бичих
  • Ariguun- 2014/06/27
    Ene chini l Choiriin nom shuu de (pilisofi)

    0 0 Хариу бичих
  • Зочин 2014/06/20
    Тэр нэгэн сувилагч үнэхээр амьдрал дээр ил байгаад байдаггүй сонин асуудлыг хөнджээ. Гэхдээ миний хувьд дээрх зөвлөмж, санаануудын эсрэг байна. Юуны урьд аливаа үйлийн өр төлөөс гэж байдгийг бид санаж явах хэрэгтэй. Энэ хүмүүс харамсаж, халаглаж байгаа нь яг тийм биш, үнэн хэрэгтээ сонгосон амьдрал, хийсэн үйлийнхээ үрийн өр төлөөстэй л нүүр тулж байсаны гэрч нь ердөө энэ сувилагч болж л дээ. Ерөөсөө сонголт бүхэн сэтгэл ханамжийг дагуулах мөртөө бас тодорхой золиос шаарддаг шүү дээ. Учир нь энэ хорвоогийн үйл, үйлдэл, учрал тохиол бүхэн ямагт өөрийн үнэ цэнэтэй байдаг. Энэ бол угтаа золиос, хохирол, өөр юу гэмээр юм бэ дээ, эдийн засгийн ойлголтоор "зардал" юм. Үүнээс ангид явж бид огт чадахгүй. Дээр өгүүлсэн "харамсагч" хүмүүс угтаа сонгосон сонголтынхоо үрийг л хүлээн зөвшөөрч чадахгүй байна гэсэн үг. Бас эдгээр хүмүүс сонголтоо яг хийж байх агшиндаа хожмын үр дүнгийн талаар тодорхой баримжаатай байдгийг дурьдах хэрэгтэй. Гэсэн ч тэд бушуухан л хийхийг хүсцгээдэг. Тэгээд дараа нь аяндаа болно биз гэж бүгд боддог. Яг үнэндээ ингэж "харамсахгүйн" тулд аливаа хүнд бас тодорхой сонголтууд тухайн агшинд байж л байдаг. Зүгээр л аливаа зүйлийг шийдэхдээ тухайн агшинд чамд ямар бололцоо, боломж байсан түүнийхээ хүрээнд л асуудлыг шийд гэсэн үг. Ингэхийн тулд заримдаа хувь тавилангийн сонголтыг тэр чигээр нь хүлээж авах, эсвэл заримдаа ам руу орсон шар тосыг хэлээрээ санаатайгаар түлхэх хэрэгтэй болдог. Хэрэв ингэж чадвал яг үнэндээ насны эцэст аливаа хүнд "харамсаад" байх юм огт үгүй. Хэргийн гол нь харамсах зүйл огт үгүйдээ ч байгаа юм биш л дээ, аливаа сонголт бүрийн үнэ цэнийг өөрийн хэм хэмжээгээр ухаарч, баримжаалах тухай л асуудал юм. Нэгэнт тийм юм чинь үр дүнгийн талаар ч өөрийн ойлголттой, хувь тавилан ямраар ч эргэсэн хүлээж авах сэтгэлийн тэнхээтэй байна аа л гэсэн үг. Ийм хүнийг хэн гэхэв? Ертөнцийн явдал, үйлийн үрийг таньсан хүн гэхэд болох байх. Магадгүй өнөө бидний оньсого болгон хэлэлцээд байдаг "гэгээрэл" ч юм билүү. Ямар ч байсан ингээд бодохоор алив хүнд сонгох эрх чөлөө төрөлхөөсөө заяасан байдаг гэдгээрээ хүн бүр өөрийн хувь заяа, амьдарлын өнгийг тодорхойлох төрөлхийн чадвартай байдаг. Хожим хойтод гарах тодорхой үр дүнгий нь гадарлаж байгаа сайн, эсвэл муу зүйлийг та хиймээр байна уу? Өөрөө л мэд.

    15 0 Хариу бичих

Сэтгэгдэл


Холбоотой нийтлэлүүд


Санал болгох