МЭДЭЭ НЭМЭХ  

Facebook-ээр ирж буй сөрөг шүүмжлэлд хэрхэн хандах вэ?

  • 795 уншсан
  • 2
  • 2015/11/13

Хэдэн жилийн өмнөхийг бодвол бид FACEBOOK хуудсыг бизнестээ өргөн дэлгэр ашигладаг болжээ. Тэр хэрээр бидний бизнес илүү хариуцлагатай, илүү нээлттэй, илүү шударга байхыг шаардаж байгаа. Зарим тохиолдолд FACEBOOK хуудсаар даарч довтолсон үгтэй сэтгэгдэл, шүүмжлэлүүд багагүй ирдэг. Тэгвэл энэ бүхэнд бид хэрхэн шийдвэрлэж болох талаар дараах зөвлөгөөг хүргэж байна. Хэрвээ бид зөв залж чадвал хэрэглэгчдэдээ илүү итгэл төрүүлж чадна.

#1.Тэдний хэлсэн үг. 

Тэд юу гэж хэлсэн /бичсэн/ бэ гэдгийн сайн сонс. Магадгүй бид буруу харсан байх вий. Та сөрөг сэтгэгдлийн үнэхээр ойлгосон уу? Цаад санаа гол зорилго нь юу вэ гэдгийн сайн ойлгосон эсэхээ өөрөөсөө давтаж асуу. Сэтгэл хөдлөлөөр шийдэх нь хамгийн буруу сонголт, хар, сонс, азна. Ямар зүйл хэлэх гээд байгааг нь ойлгох нь чухал. Бүрэн гүйцэт ойлгосон цагт л хэрхэн хариулахаа бодох хэрэгтэй. Хэд хоногийн өмнөхөн хувь хүнд трэйнинг хийдэг нэг эмэгтэй хуудсаар орж үзлээ. Хуудас дээр нэг хүн хэтэрхий үнэтэй байна. Монголчууд өнөөдөр ямар цалин авч байгаа тэр хэмжээнд байлгах талаар сэтгэгдлээ үлдээж. Гэтэл хуудаснаас саналыг эсэргүүцсэн мэдээллээр зарим нэг нотолгоо хэлэх гэж хичээсэн хариулт бичсэн байлаа. Хамгийн гол нь хариу сэтгэгдэлдээ сэтгэл хөдлөлийн шинжтэй үгнүүд байсан тул уншихад л мэдэгдэж байв. Үр дүнд нь үргэлжилсэн маргаан үүссэн. Сэтгэл хөдлөлөө дарахын тулд магадгүй жоохон хүлээгээд эргээд хэлж болох юм. Тиймээс зөв ч бай, буруу ч бай хариу бичих гэж яарах хэрэггүй.

#2. Хүлээж ав.

Зарим нэг сэтгэгдлүүдэд заавал хариулах шаардлага байхгүй. Тухайн хүн өөрийн үзэл бодлоо илэрхийлсэн ямар нэгэн гомдолгүй. Асуулт байхгүй сэтгэгдлүүдэд заавал хариулт өгөх хэрэггүй. Тухайн хүн юу гэж бодох нь хувь хүний л бодол тул бусад хүмүүст тийм ноцтой харагдахгүй зүйлийг тайван орхих нь зөв. Харин үнэхээр сөрөг шүүмжлэлтэй, дайрсан, асуултаар булсан сэтгэгдэлд бидний хамгийн эхний зүйл бол хүлээж авах. Дээр хэлсэнчлэн гол санааг нь ойлгосон бол тухайн хүний юунд санаа зовж байгааг ойлгож хүлээж авах нь чухал. Дээрх жишээн дээрээс харвал хэрхэн хүлээн авах талаар: Таны олон хүнд мэдлэгийг түгээх чин хүсэлтэй байгааг тань ойлгож байна. Энэ бол тухайн хүний хүсэж буй жинхэнэ үзэл бодол байсан. Үүний дараа л бид хариулт хэлж болно. 

#3. Үнэхээр буруу бол чин үнэнээр хүлээ.

Ямар ч тохиолдолд бид буруутай бол тэр даруй хүлээх хэрэгтэй. Хүмүүсийн сөрөг сэтгэгдэл ирэхээс өмнө хүлээх нь бүр сайн. Үүнийг авто машины салбарынхан маш сайн хийдгийг бид мэднэ. Энэ нь тухайн үйлчилгээ илүү мэргэжлийн байгааг харуулж байдаг. Нэгэнт буруутай л бол зориг шийдвэртэйгээр хүлээж хэрхэн засаж залруулж байгаагаа хэлээд уучлал хүсэх нь чухал. Маргалдах нь улам л хүнд байдлыг үүсгэж болно. Нэг хүний сөрөг сэтгэгдлийг олон хүмүүс харж байдаг. Бид найдвартай, хариуцлагатай гэдгээ үүгээрээ харуулах нь чухал.

#4. Баримт нотолгоогоос эхэл 

Хэрвээ танд #3 дахь асуудал байхгүй бол гэм буруугүйг батлах бүх хүн хүлээн зөвшөөрөх нотолгооноос эхэлж хэлэн нь зөв. Мэдээж эхлээд #2-р эхлэх хэрэгтэй. Нотолгоо маш олон янз байдаг. Энэ талаар Дэйл Карнегийн SALES ADVANTAGE борлуулалтын сургалт илүү дэлгэрэнгүй заадаг. Өмнөх хэрэглэгчийн түүх ч нотолгоо болж болно. Дийлэнхдээ бид сэтгэл хөдлөлийн шинжтэй мэдээлэл өгсний дараа нотолгоо хэлдэг. Үгүй ээ та буруу бодож, таны буруу, та андуурсан байна, Тийм юм ерөөсөө байхгүй гэх мэт үгүйсгэх үгээр эхлэх нь алдаа болдог. Тиймээс шууд нотолгоог эхэнд оруулах хэрэгтэй. 

#5. Таларх

Эцэст нь тухайн хүний саналд талархаж байгаагаа хэл. Ямар ч тохиолдолд үйлчлүүлэгч цаг заваа гаргаж санал шүүмжлэлээ хэлнэ гэдэг сайн зүйл учир тухайн шүүмжлэл бидний ажилд тус болж байгааг талархан хэлэх нь зөв. Хамгийн сүүлд нийтлэг шүүмжлэлд хэрхэн хариулж болохоор жишээ оруулъя:

Танайх хэтэрхий үнэтэй юм. Үнээ буулгаж болохгүй юу? Хүмүүсийн амьдрал ямар байгаа билээ үнээ буулгах хэрэгтэй !

#2 Таны олон хүмүүст манай бүтээгдэхүүнийг хүргэх гэсэн санааг бид ойлгож байна. #4 Бид бүтээгдэхүүний үнийг бууруулах тал дээр ажиллаж байгаа ч хамгийн гол зорилго найдвартай, чанартай гэдэг зүйлээ хамгийн түрүүнд тавьж байгаа. #5 Хэрвээ танд санал болгох шийдэл байвал бид дуртайяа хүлээн авах болно. Олон хүний төлөөлөл болж бидэнд цаг зав гаргаж саналаа хэлсэнд баярлалаа. 

Олонх хүмүүс ямар ч шийдэлгүй мөртөө шүүмжлэх нь элбэг. Эсвэл зүгээр л шүүмжлэх хандлагатай хүмүүс байдаг. Тиймээс аль болох мэргэжлийн хариулт өгөх хэрэгтэй.

Дээрх жишээг энгийн хэлбэрээр дарааллыг нь харуулах зорилгоор орууллаа. Танай бизнесийн үйл ажиллагаанд нийтлэг тохиолддог шүүмжлэлд хэрхэн хариулах талаар энэ дарааллаар урьдчилан бэлдсэн ч мөн болно.

Та цахим маркетингийн талаар илүү ихийг мэдэж харилцаан дээр хэрхэн маркетинг хийх талаар Дэйл Карнеги Трэйнингээс албан ёсоор хэвлэгдэн гарсан Цахим эринд найз нөхдөө хэрхэн өөртөө татаж бусдад нөлөөлөх вэ номоос унших боломжтой. Энэ ном орчин үеийн цахим ертөнцөд хэрхэн маркетинг хийх талаар таны бизнест ихээхэн тус болно гэж найдаж байна.   

 

facebook

Facebook-ээр ирж буй сөрөг шүүмжлэлд хэрхэн хандах вэ?
Эх сурвалж: Dale Carnegie Training Mongolia
Нийтлэл таалагдсан бол багахан хугацааг дараах линкээр орж сурталчилгаан дээр дарахад зориулаарай.
viva.mn- ийг дэмжих
Мэдээ таалагдаж байвал манай Facebook хуудсанд LIKE дараарай.
Facebook-ээр ирж буй сөрөг шүүмжлэлд хэрхэн хандах вэ?
Энэхүү нийтлэл нь зөвхөн нийтлэгчийн үзэл бодол, өмч болно. Контентийг зөвшөөрөлгүй хуулбарлахыг хориглоно.

2 Сэтгэгдэл


  • Зочин 2015/11/22
    cool

    0 0 Хариу бичих
  • Зочин 2015/11/17
    Баярлалаа хэрэгтэй нийтлэл байна

    0 0 Хариу бичих

Сэтгэгдэл


Холбоотой нийтлэлүүд


Санал болгох