МЭДЭЭ НЭМЭХ  

ОХУ-ын цэргийн онгоц Цагаан ордон дээгүүр ниссэн учир тайлагдлаа

  • 322 уншсан
  • 0
  • 2017/08/13

ОХУ-ын агаарын цэргийн хүчний онгоц энэ сарын 9-ний өдөр АНУ-ын Цагаан ордон дээгүүр ниссэн талаар Пентагоны ажилтан тайлбарлав. Мэргэжилтний хэлж буйгаар дээрх нислэгийг хоёр орны гэрээний дагуу үйлдсэн бөгөөд ОХУ-ын цэргийн ажиглагчид АНУ-ын нутаг дэвсгэр дээр байрладаг объектууд дээгүүр нисэх эрхтэй хэмээх гэрээ байдаг аж. Энэ удаад ОХУ-ын "Ту-154" онгоц АНУ-ын Ерөнхийлөгчийн ордны дээгүүр 1 км өндөрт нисэх эрхтэй хэмээн тэмдэглэснийг АНУ-ын эрх баригчид баталсан байна. Пентагоны хэвлэлийн төлөөлөгч "хэд хэдэн тохиолдлоос бусдад" тус улсын нутаг дэвсгэр дээгүүр ОХУ-ын цэргийн онгоц ажиглалт хийх боломжтойг тайлбарласан байна. Гэхдээ АНУ-ын талаас бүх нислэгийг анхааралтай ажиглах юм.

ОХУ-ын онгоц Цагаан ордон төдийгүй АНУ-ын хэд хэдэн гол объект дээгүүр тухайлбал Пентагон, ТТГ-ын байр болон АНУ-ын төрийн тэргүүний онгоц байрладаг Эндрюс авиабааз дээгүүр нисчээ.

Нийтлэл таалагдсан бол багахан хугацааг дараах линкээр орж сурталчилгаан дээр дарахад зориулаарай.
viva.mn- ийг дэмжих
Мэдээ таалагдаж байвал манай Facebook хуудсанд LIKE дараарай.
ОХУ-ын цэргийн онгоц Цагаан ордон дээгүүр ниссэн учир тайлагдлаа
Энэхүү нийтлэл нь зөвхөн нийтлэгчийн үзэл бодол, өмч болно. Контентийг зөвшөөрөлгүй хуулбарлахыг хориглоно.

0 Сэтгэгдэл



Сэтгэгдэл


Холбоотой нийтлэлүүд


Санал болгох